Upplýsingar um rafhlöðu og
hleðslutæki
Tækið gengur fyrir endurhlaðanlegri rafhlöðu. Þetta tæki
er ætlað til notkunar með BP-4L rafhlöðu. Hugsanlega
verða hægt að fá aðrar gerðir rafhlaðna frá Nokia fyrir
þetta tæki. Tækið er ætlað til notkunar þegar það er hlaðið
með eftirfarandi hleðslutækjum: AC-8, AC-10. Númer
hleðslutækisins getur verið mismunandi eftir klónni sem
er notuð. Gerð klóarinnar er auðkennd með einu af
eftirfarandi: E, EB, X, AR, U, A, C, K eða UB.
Hægt er að hlaða og afhlaða rafhlöðu nokkur hundruð
sinnum en að því kemur að hún gengur úr sér. Þegar tal-
og biðtími er orðinn mun styttri en eðlilegt er skal skipta
um rafhlöðu. Aðeins skal nota rafhlöður sem samþykktar
eru af Nokia og aðeins skal endurhlaða rafhlöðu með
hleðslutækjum sem Nokia hefur samþykkt til notkunar
með þessu tæki.
Ef verið er að nota rafhlöðu í fyrsta skipti, eða ef rafhlaðan
hefur ekki verið notuð í langan tíma, kann að vera
nauðsynlegt að tengja hleðslutækið, aftengja það síðan
og tengja það aftur til að hefja hleðsluna. Ef rafhlaðan er
alveg tóm geta liðið nokkrar mínútur þar til hleðsluvísirinn
birtist á skjánum eða þar til hægt er að hringja.
Örugg fjarlæging. Alltaf skal slökkva á tækinu og aftengja
hleðslutækið áður en rafhlaðan er fjarlægð.
Rétt hleðsla. Taka skal hleðslutækið úr sambandi við
rafmagnsinnstungu og tækið þegar það er ekki í notkun.
Ekki má hafa fullhlaðna rafhlöðnu í sambandi við
hleðslutæki þar sem ofhleðsla getur stytt líftíma hennar.
Fullhlaðin rafhlaða tapar hleðslunni smátt og smátt ef hún
er ekki í notkun.
130
Vöru- og öryggisupplýsingar
Forðist mikið frost eða mikinn hita. Æskilegast er að
rafhlaðan sé alltaf höfð í hita á bilinu frá 15°C að 25°C (frá
59°F að 77°F). Of mikill hiti eða kuldi draga úr endingu og
líftíma rafhlöðu. Tæki með heitri eða kaldri rafhlöðu kann
að hætta að starfa tímabundið. Einkum hefur mikið frost
takmarkandi áhrif á rafhlöður.
Ekki tengja framhjá. Skammhlaup getur orðið fyrir slysni
þegar málmhlutur, svo sem mynt, bréfaklemma eða penni
veldur beinni tengingu milli + og - skautanna á
rafhlöðunni. (Þau líta út eins og málmrendur á
rafhlöðunni.) Til dæmis getur þetta gerst þegar
vararafhlaða er höfð í vasa eða tösku. Skammhlaup milli
skautanna getur valdið skemmdum á rafhlöðunni eða
hlutnum sem veldur tengingunni.
Losun. Ekki má fleygja rafhlöðum í eld þar sem þær geta
sprungið. Farga skal rafhlöðum í samræmi við staðbundin
lög og reglugerðir. Skila skal þeim í endurvinnslu þegar
mögulegt er. Ekki skal fleygja þeim með heimilisúrgangi.
Leki. Ekki skal taka sundur, skera, opna, merja, beygja,
gata eða tæta rafhlöður. Fari rafhlaðan að leka skaltu
forðast að hún komist í snertingu húð eða augu. Gerist það
skal hreinsa svæði sem komast í snertingu við rafhlöðuna
með vatni eða leita læknisaðstoðar.
Skemmdir. Ekki skal breyta, endurhanna, reyna að setja
hluti í rafhlöðuna sem ekki eiga að vera þar, dýfa
rafhlöðunni í vatn eða aðra vökva, eða bleyta hana.
Rafhlöður geta sprungið ef þær skemmast.
Rétt notkun. Aðeins skal nota rafhlöðuna til þess sem hún
er ætluð. Röng notkun rafhlöðunnar hefur í för með sér
eld- eða sprengihættu, eða aðra hættu. Ef þú missir tækið
eða rafhlöðuna, og þá sérstaklega á hart yfirborð, og telur
að rafhlaðan hafi skemmst, skaltu fara með hana til
þjónustuvers til skoðunar áður en þú heldur áfram að nota
hana. Aldrei skal nota skemmt hleðslutæki eða rafhlöðu.
Geyma skal rafhlöðuna þar sem lítil börn ná ekki til.