Nokia Ovi Suite
Nokia Ovi Suite é un conxunto de aplicacións que pode
instalar nun PC compatible. Ovi Suite agrupa todas as
aplicacións dispoñibles nunha ventá do lanzador dende a
que pode abrir as aplicacións. Ovi Suite pode estar incluído
nunha tarxeta de memoria se esta se proporcionou co
dispositivo.
Pode usar Ovi Suite para sincronizar contactos, axendas,
cousas por facer e outras notas entre o seu dispositivo e
unha aplicación de PC compatible. Tamén pode utilizar Ovi
Suite para transferir os favoritos entre o seu dispositivo e
navegadores compatibles e transferir imaxes e videoclips
entre o dispositivo e un PC compatible.
Preste atención aos axustes de sincronización. O borrado
de datos como parte normal do proceso de sincronización
está determinado polos axustes seleccionados.
Para usar Ovi Suite, necesita un PC co sistema operativo
Microsoft Windows XP (SP2 ou posterior) ou Windows
Vista (SP1 ou anterior), e que sexa compatible cun cable
de datos USB ou con conectividade Bluetooth.
Ovi Suite non é compatible con ordenadores Apple
Macintosh.
Para obter máis información acerca de Ovi Suite, consulte
a axuda incorporada ou diríxase á páxina
www.nokia.com/support.
Instalación de Nokia Ovi Suite
1. Asegúrese de que a tarxeta de memoria está inserida
no dispositivo Nokia E72.
2. Conecte o cable USB. O PC recoñece o novo dispositivo
e instala os controladores necesarios. Esta operación
pode levar varios minutos.
3. Seleccione
Almacenaxe masiva
como o modo de
conexión USB no seu dispositivo. O seu dispositivo
aparece no explorador de ficheiros de Windows como
un disco extraíble.
4. Abra a raíz do controlador da tarxeta de memoria co
explorador de ficheiros de Windows e seleccione o
ficheiro de instalación de Ovi Suite.
5. Empeza a instalación. Siga as instrucións.
Consello: Para actualizar Ovi Suite, ou se ten
problemas ao instalar Ovi Suite desde a tarxeta de
memoria, copie o ficheiro de instalación no PC e
realice a instalación desde o PC.